Los viernis n'esti arradiu palramus en Estremeñu. Oi amus escutal el poema 'Gritu Estremeñu' del libru 'La Huélliga: sentiris dela mi tierra' del poeta i escreviol Crus Dias Marcu, biembru de OSCEC, Órganu de Siguimientu i Cordinación del Estremeñu i la su Coltura
GRITU ESTREMEÑU
Arrempuxandu sentiris,
aventandu las querencias,
abriendu los nuevus surcus
d’esta nueva sementera,
vamus palantri, estremeñus,
enanchandu las vereas,
abriendu vuelus al monti,
dandu-li riegu ala siembra.
Semus un puebru que sufri,
semus un puebru que sueña,
semus un puebru cansau
d’estal callau ala espera,
enos surcus del trabaju,
los frutus que nunca allegan.
Dexemus d’estal quietinus
comu sombrajus de siesta
i farrunguemus de golpi
la hiel de nuestra pacencia.
Vueli en el aire l’antigua
sedi dela sangri estremeña
i sueni con ravia el gritu
del llantu de nuestra tierra!
Poema acompañado por la música de Acetre, del disco 'Aires de Redoble'...
