Los viernis, ya sabin, n'esta arradiu gustamus muchu de palrar un poquinu en Estremeñu. Oi amus a escuchal a Jesús Esperalta, biembru de OSCEC i maestru de escuela...
Si la luenga estremeña ya es asseñalá ena propia Estremaúra, vos poís fegural en sotrus territorius aondi una amboçá d'estremeñus huerun a paral ahuyendu delas miserias i l'abandonu. Assina, pa aquel antocis, no sedría difici d'ascuchal el nuestru palral estremeñu enas alreorás delos Mairilis, de Barcelona i duna tupa de sitius ondi, cona esperança d'aprosperal, tuvun que arrefinal-si i hondeal el su palral.
Entovía ogañu semus muchus los que ahuera d'Estremaúra amus d'aguantal lu cómu se desprecia la nuestra palra, pos no ai concencia de que lo que angunus aventan en mental “mal hablar” es una luenga assina comu las demás. A pocu a pocu el Estremeñu ahila palantri en Estremaúra i tamién ena capital, i enas redis socialis, ondi angunus lo palramus sin comprexu dengunu.
