Los viernis, n'esti arradiu, palramus un poquinu n'Estremeñu... Oi, Día del Libru, queremus rundil homenagi al grandi Luis Chamizo, escreviol i poeta estremeñu, autol de 'El Miajón delos Castúos' Cona vos de Laura Manuela Sánchez, inseñaora de moda i biembru de OSCEC Extremadura, amus a ascuchal la parti acabera del poema "La juerza d’un queré".
Enas nochis del veranu,
enas ducis nochis craras,
quandu tiemblan las estrellas
d'entri meyu duna luna, azul i branca,
i s'ascuchan alo lexus los cantaris
delos grillus i las ranas,
algu assín comu un silgueru
que ena Hoya las Torviscas canturrara,
algu assín comu los trinus duna mielra
que dixera sus querelis junta'l agua,
se barrunta dendi arriba delas sierras,
d'entri meyu delos bereçus i las xaras.
Es que Bras, junta la choça ondi duermi Rosarinu, la zagala,
toca sempri, tolas nochis,
los canutus de su frauta,
porque izi que se sueña su Rosarinu
tolas nochis cona loba dela ravia,
i se duermi, mu tranquila, a pocu a pocu,
con el son d'aquella frauta;
i dormía le se riyi, le se riyi
cona risa dun regachu d'agua crara.
