'Palrandu de reziu en Estremeñu'
Viernes, 20 Agosto 2021

Los viernis n'esti arradiu palramus un poquinu en estremeñu. Oi con el maestru de escuela i biembru de OSCEC, Jesús Esperalta, que mos va recital el poemina 'Palrandu de reziu en Estremeñu' del livru 'La Huélliga, Sentiris dela Mi Tierra' del poeta i escriviol Crus Dias Marcus
 

PALRANDU DE REZIU EN ESTREMEÑU 

Paeci mentira que angunus
jechin por tierra lo nuestru,
estu que mienta la genti
que es patrimoniu estremeñu.

Drentu d’aquellas raízis
que mos hizierun un puebru,
deviamus de defendel
la habla d’aquellus tiempus
que mos truxierun del norti
los pastoris i cabrerus
asturianus i leonesis,
que jecharun a esti suelu
la hondura i la simienti
d’esti puebru duru i reziu.

Paeci mentira que angunus
jechin por tierra lo nuestru.

Esti mou del palral
que tuvun nuestrus agüelus
que es patrimoniu i coltura,
tesoru de nuestru puebru
que ai que cudiá-lu de siempri,
defendé-lu i protegé-lu,
lo mesmu que las costumbris,
pinturas i decumentus,
arroyus, montis i ríus,
escritus i menumentus.
I assín devemus palral,
con muchu ergullu i sin mieu
i sabel que hablandu assina
—dezí-lu huerti i de reziu—,
no es palral mal castellanu,
es palral bien estremeñu.

 

Lo más escuchado

Imagen
CP Cabezuela
my image

El Cabezuela luchará por volver a Primera Extremeña dos años después

Imagen
my image

Spiderman, un superhéroe enamorado de Cáceres

Imagen
my image

La Cofradía del Señor Coronado de Espinas de Jerez de los Caballeros cumple 250 años

Imagen
my image

La original e impactante Semana Santa de Peraleda de la Mata