Los viernis n'esti arradiu palramus un poquinu en Estremeñu. Oi con el biembru de OSCEC, escreviol i poeta Crus Dias Marcus, que mos va recital 'Querencia', un poemina del su livru 'La Huélliga, Sentiris dela Mi Tierra'
QUERENCIA
Tengu querencia del airi
con que respiran mis sueñus,
con que s’enllenan d’amoris
las ilusionis que tengu.
Oi tengu ganas d’abril
ventanas al sentimientu,
paque m’entri enos sentiris
la frescura del recenciu.
Tengu querencia del airi,
tengu querencia del vientu,
delas froris dela tierra,
delas estrellas del cielu.
Oi se vistin mis sentiris
de cantaris mañanerus,
londras delos mis pensaris,
pingollas del pensamientu
que ván pusiendu ena tardi
la geringoncias del vuelu.
De siempri tengu querencia,
tengu querencia del besu
que m’acaricia la cara
ena tardi, quandu asperu,
essi airi frescu que vieni
delos campus estremeñus.
Con música de Acetre... del disco 'Aires de Redoble'...
