Los viernis n'esti arradiu palramus un poquino en Estremeñu. Nel branu, amus escuchal poeminas i testus de escrivioris dela nuestra tierra i na nuestra lengua. Oi, con María Rubio Cerro, biembru de OSCEC, amus conocel una mijina d'El Miajón de Los Castúos, de Luis Chamizu. del poema El Desconciertu.
Anda, que güena t'aspera, güenu está (el) tu pairi, güenu p'arrimal-ti tres çurrius i no dexal-ti dil pal puebru enjamás. Póndi as andau? Dimi: (lu) qué diabrus t'as hechu toíta la nochi de Dios sin acuíl i supiendu que tós t'aguardavan aquina comu el Santu A(l)venimientu muertus de hambri?
- Qué córciu! Yo estuvi nel desconciertu, es dizil, yo estuvi huera, que los qu'estavan drentu eran tolos señoracus, la genti gorda del puebru.
Qué moças peripuestas!
Que hembra delo güenu!
Que Marcus Reondu! Qu'estava que pa comelsi-lu!
Pui aquel del organillu?!
No era naidi conos deus!
Assín son las parrangas mairi delos señoris del puebru, assín da gustu, qué contri! i no comu aquí hazemus, sempri empinandu la bota, cantandu sempri lo mesmu.
Aquellus eran cantaris con tolo suyu. Por ciertu, qu'a mi me paici mentira qu'aquel mocinu tan nuevu, tan delgaínu, cantara tan huerti i con tantu geniu.
